IRAKURGAIA

DOMUND da Eliza unibertsalak, bereziki, misiolarien alde errezatzen duen eta misioei laguntzen dien eguna.

DOMUND mundu zabalean ospatzen da, urtero, urriko azken-aurreko igandean, misiolariei behartsuenen artean garatzen duten ebanjelizazio-lanean laguntzeko. Horregatik, urriari “misioen hila” esaten zaio.

 DOMUNDek kristau guztiok ebanjelizazioari dagokionez arduradun garela ohartarazten gaitu eta elizak egun horretan misioen kausa maitatzeko eta horri laguntzeko gonbidapena egiten digu.

Misiolariek Jesusen mezua jakinarazten eta zabaltzen dute, batez ere Ebanjelioa gutxi ezagutzen den eta Eliza oraindik finkatzeko dagoen lekuetan: misio-lur edo misio-eremuetan.

Misioen beharrak handiak eta ugariak dira. DOMUNDen bidez eta misiolarien bitartez Eliza behar eta gabezia hauei erantzuten eta behartsuenei laguntzen saiatzen da, pastoraltza-, gizarte- eta hezkuntza-proiektuez. Hala, elizak eta kaperak eraikitzen dira, pastoraltzarako ibilgailuak erosten, katekistak prestatzen,…; elizbarruti eta erlijioso-komunitateei eusten zaie; mundu osoan ospitaleak, zahar-egoitzak, umezurztegiak, behartsuentzako janlekuak,… mantentzen dira.