Kaixo! Egun on! Gaur oso balio garrantzitsua landuko dugu: konfiantzaren balioa.

Gaur egun balio hau sano gutxiesten da. Konfiantzak gaur ez du saltzen. Esan dezakegu ez dagoela modan. Ez gara besteengan fidatzen, ez gara geure buruekin eta geure gaitasunetan fidatzen,… eta garrantzitsuena, ez gara Jesusen Jainkoagan fidatzen.

Oso tristea da federik gabe, fidatu gabe, inorengan eta ezertan sinetsi gabe,… bizitzea. Nire ustez, konfiantza besteei oparitu diezaiekegun gauzarik onena da, norbaitengan fidatzen garenean, geure buruari lagunduz  (gure arazoak edo zailtasunak kontatuz) gain, beste pertsona berezia, estimatua eta baloratua sentitzea eragiten baitugu. Norbait nigan fidatzen dela sentitzeak balio berezia ematen dit pertsona gisa, hazten laguntzen dit, ondo sentiarazten nau. Eta opari hori sarritan egin diezaiokegu maite gaituen eta maitasuna egunero erakusten digun jendeari.

Gainera, beste pertsonak, beragan fidatzen zarela sentitzen duenean, bere onena eskainiko dizu: bere laguntza, bere aholkua eta bere estimua. Egia da batzuetan huts egiten dugula eta gure konfiantzari traizioa egiten zaiola sentitzen, baina horrek ez gaitu bultzatu behar gurean setatzera eta beste pertsona batzuengan konfiantza jartzeko aukerak arbuiatzera. Horrela, pertsona erresuminduak eta mukerrak bilatuko ginateke.