Baina poliki-poliki gaur ebanjeliotik esaldi hau entzungo dugu:

«Maitasuna eraman onekoa eta bihozbera da; ez du bekaizkeriarik, ez handiusterik, ez harropuzkeriarik. Ez da lotsagabea, ez berekoia, ez haserrekorra; kaltea ez du gogoan hartzen».

Jesusen mezua maitasunaren mezua da eta dena maitasunean oinarrituta dago.

Askotan elizako gauzak ulertzeko arraroak izaten dira. Adibidez,normalean urteak abenduan bukatzen dira, edo gure urteak eskoletan  ekainean bukatzen dira, baina kristauentzat atzo bukatu zen urtea.

Atzo, Jesukristo Munduko Erregearen eguna ospatu genuen. Jesus erregea da, baina errege desberdina, Jesusen erreinuan egoteko zoriontasunaren alde lana egin behar dugu. Jesusen erreinua maitasunarena eta laguntzarena da. Jesusen koroan denok gaude; gure kezkak, gure beldurrak, gure alaitasunak...eta gu.  Baina batez ere, behar gehiena  dutenak daude, munduan okerren pasatzen dutenak.

Jesus, gure erregea, desberdina da, Jesus ez da mundu honetako erregeak bezalakoa.

Gure erregearen ahotsa entzun behar dugu, Jesusena, eta bere laguntzarekin beharra duten pertsona guztiek aberastasunez bete, maitasuna eta laguntza emanaz. Batez ere, gure inguruko eta gelakideei.

Egunero Jesusen Erreinua eraikitzen saiatuko gara, zoriontasunez, maitasunezko eta laguntzazko adreiluak jarriz.