Gaur San Marko ebanjelariaren eguna da.

Marko San Pedroren takigrafoa da. Bere Ebanjelioa 50eko eta 60ko hamarkaden artean idatzi zen. Tradizioaren arabera, Petriren predikua transkribatu zuen, nagusiki Erromako lehen kristauei zuzendua, eskema pertsonal batera egokitu edo landu gabe. Horregatik, bere Ebanjelioak bizitasun eta argitasun handia du. Grekoz idatzi zuen, garai haietan gehien hitz egindako hizkuntza, Jainkoaren Seme zen Jesukristoren boterea frogatzeko helburuarekin, mirari askotan agertu zena.

Markoren Ebanjelioaren hitzek berri ona izaki guztiei argi eta garbi adierazten die. Frantzisko aita santuaren arabera garbi uzten baitu zer nahi duen Jesusek bere ikasleengandik.

Toki ezberdinetako zaindaria da. Ezagunena Veneziakoa; famatua da hiriko plaza nagusia, santuaren izena daramana. Gugandik gertuago badira tradiziozko ohiturak. Errenderin erromeria egiten da San Marko gotorlekuaren inguruetan izan ere Gipuzkoako mendebaldean, Bidasoaldean eta Oarsoaldean zehazki, oso zabalduta dago San Marko egunean opila oparitzea. Bizkotxo moduko bat egiten diete amabitxiek beren besoetakoei (tradizioaren arabera, hauek ezkondu arte), eta arrautzak izaten ditu gainean.