Elmer… desberdina izatearen balioa

David McKee idazle eta ilustratzaile ospetsua da. Elmer elefantea da haren pertsonaia
ezagunenetako bat.

Talde handi bateko kide da Elmer. Elmerren taldean, mota guztietako

elefanteak daude: gazteak, zaharrak, handiak, txikiak, lodiak, meheak... baina denak dira elefante
kolorekoak. Elmer, ordea, horia, laranja, gorria, arrosa, morea, urdina, berdea, beltza eta zuria da.
Hortaz, Elmer desberdina da, bakarra, ohiz kanpokoa. Alaitasunaren sinboloa da guztientzat.
Baina, egun batean, Elmerrek erabakiko du ez
duela besteen desberdina izan nahi, eta elefante
koloreko fruituak ematen dituen zuhaitzaren
bila aterako da, bere azala tindatu nahi baitu.
Gainerako elefanteen kolorea hartuta, taldera
itzuliko da, baina beste elefanteak ez dira
poztuko horrela ikusten dutenean, betiko Elmer
maite baitute. Azkenean, Elmer bere benetako
koloreekin agertuko da berriro, eta poztu egingo
dira guztiak; gertaera ospatzeko, “Elmerren
eguna” ospatzea erabakiko dute. Egun horretan,
Elmer grisez margotzen da… eta beste guztiak
kolore “psikodelikoz” margotzen dira.

ELMER ipuina:

https://www.youtube.com/watch?v=HfTQdHplr5g